Pages

Ads 468x60px

Featured Posts

Tuesday, June 21, 2016

Serikali yaagiza Wakimbizi Wanajeshi wenye Silaha Wazisalimishe

Serikali ya Tanzania imewataka wakimbizi wote ambao walikuwa wanajeshi kutoka nchi walizokuwepo, kuripoti kwenye mamlaka husika ili waweze kupewa uangalizi maalum (special protection) kama wanajeshi.

Kauli hiyo ya serikali imetolewa na Mkuu wa mkoa wa Kigoma, Brigedia Jenerali (Mstaafu) Emmanuel Maganga, wakati wa maadhimisho ya siku ya wakimbizi duniani yaliyofanyika kambi ya wakimbizi Nyarugusu, wilayani Kasulu, mkoani Kigoma.

Alisisitiza kuwa wakimbizi ambao wako nchini wakijua ni wanajeshi ni lazima wasajiliwe na mamlaka husika.

Aidha Maganga aliwataka vile vile wakimbizi wote ambao wanamiliki silaha wazisalimishe kwa hiari yao wenyewe.

Alisema kumekuwa na matukio mengi ya ujambazi wa kutumia silaha na hivyo kuhatarisha amani na kuwaamuru wenye silaha kuzisalimisha mara moja ili waende sawa na sheria za nchi walikopata hifadhi.

Maandamano ya wakimbizi yakiingia uwanjani katika sherehe za maadhimisho ya siku ya wakimbizi duniani yaliyofanyika katika kambi ya wakimbizi Nyarugusu, wilayani Kasulu, mkoani Kigoma.

Mkuu huyo wa mkoa pia alitoa wito kwa mashirika ya misaada duniani kutoa misaada inayoowana na misaada inayotolewa kwa nchi zilizoendelea na kuongeza kuwa mahitaji ya binadamu ya msingi hayatofautiani iwe nchi zilizoendelea au zinazoendelea.

Alisema kuwa wakimbizi waliopo kwenye nchi zilizoendelea hupewa makazi ya kudumu na vyakula tofauti tofauti wakati waliopo kwenye nchi zinazoendelea hupewa mahema na chakula aina moja ambayo ni mahindi.

“Mwaka jana tulishindwa kuadhimisha siku ya wakimbizi duniani kwa kuwa tulikuwa tunawapokea wakimbizi kutoka Burundi,” alisema.

Alisema wakimbizi wameongezeka sana nchini na sasa hivi kuna makambi matatu yanayowahifadhi wakimbizi nchini.

Wakati huo huo Tanzania imepongezwa kwa ukarimu wake kwa kuwahifadhi wakimbizi kwa zaidi ya miongo minne sio tu kwenye ukanda wa Afrika Mashariki na hata duniani.

Mwakilishi mkazi wa shirika la kuhudumia wakimbizi UNHCR , Chansa Kapaya alisema hayo katika sherehe za kuadhimisha siku ya wakimbizi duniani yenye kauli mbiu kuwa “Tupo Pamoja na Wakimbizi, Tafadhali ungana nasi”.

“Tanzania ni mfano wa kuigwa kwa mfano mzuri wa kuwahifadhi wakimbizi wengi duniani na pia kuwatafutia suluhu,” alisema.

Mgeni rasmi Mkuu wa Mkoa wa Kigoma, Brigedia Jenerali Mstaafu, Emmanuel Maganga akizungumza na hadhira iliyokusanyika katika sherehe za maadhimisho ya siku ya wakimbizi duniani yaliyofanyika katika kambi ya wakimbizi Nyarugusu, wilayani Kasulu, mkoani Kigoma.

Alisema mwaka 2014 Tanzania iliwapa uraia wakimbizi zaidia ya 162,000 baada ya kuishi nchini kwa zaidi ya miaka 40.

Aliongeza kuwa, wakimbizi wanapaswa kuthaminiwa kama binadamu wengine kwa kuwa hakuna mtu anayechagua kuwa mkimbizi.

Kapaya alisema kuwa kwa sasa kambi ya Nyarugusu ina wakimbizi zaidi ya 131,733 ambao ni wengi zaidi na kusababisha msongamano unaohatarisha maisha yao.

Mwakilishi wa Shirika linalohudumia wakimbizi nchini (UNHCR), Chansa Kapaya akisoma risala wakati wa sherehe za maadhimisho ya siku ya wakimbizi duniani yaliyofanyika katika kambi ya wakimbizi Nyarugusu, wilayani Kasulu, mkoani Kigoma.

Pichani juu na chini ni baadhi ya wageni waalikwa, wafanyakazi wa Shirika la UNHCR na wadau wa maendeleo waliohudhuria sherehe hizo wakifuatilia hotuba mbalimbali.

Mwakilishi wa Shirika linalohudumia wakimbizi nchini (UNHCR), Chansa Kapaya akipitia ratiba ya maadhimisho ya siku ya wakimbizi duniani ambapo kitaifa yamefanyika mkoani Kigoma katika kambi ya wakimbizi Nyarugusu. Kulia kwake ni mgeni rasmi Mkuu wa Mkoa wa Kigoma, Brigedia Jenerali Mstaafu, Emmanuel Maganga akifuatiwa na Mkuu wa Wilaya ya Kasulu, Gerald Guninita.

Mkuu wa Mkoa wa Kigoma, Brigedia Jenerali Mstaafu, Emmanuel Maganga (kulia) akifurahi jambo na Mkuu wa Wilaya ya Kasulu, Gerald Guninita wakati burudani mbalimbali zikiendelea kwenye maadhimisho ya siku ya wakimbizi duniani ambapo kitaifa yamefanyika katika kambi ya wakimbizi Nyarugusu, wilayani Kasulu, mkoani Kigoma.

Mwakilishi wa Shirika linalohudumia wakimbizi nchini (UNHCR), Chansa Kapaya akiteta jambo na Ofisa wa UNHCR Tanzania anayeshughulika na mambo ya usalama kambini, David Mulbah (kulia) wakati wa sherehe za maadhimisho ya siku ya wakimbizi duniani yaliyobeba kauli mbiu "Tupo Pamoja na wakimbizi. Tafadhali ungana nasi." ambapo kitaifa yamefanyika katika kambi ya Nyarugusu, wilayani Kasulu, mkoani Kigoma.

Bendi ya muziki wa Live ya vijana wakimbizi inayojulikana kama Nyota ya Asubuhi ya kambi ya Nyarugusu ikitoa burudani ya aina yake wakati wa sherehe za maadhimisho ya siku ya wakimbizi duniani.

Wanamuziki wa bendi ya Nyota ya Asubuhi wakisakata sebene kwenye maadhimisho ya siku ya wakimbizi duniani.

Mgeni rasmi Mkuu wa Mkoa wa Kigoma, Brigedia Jenerali Mstaafu, Emmanuel Maganga na Mwakilishi wa Shirika linalohudumia wakimbizi nchini (UNHCR), Chansa Kapaya kwa pamoja wakikabidhi jezi na zawadi kwa timu wakimbizi ya vijana ya wanawake ya mpira wa miguu katika maadhimisho ya siku ya wakimbizi duniani ambapo kitaifa yamefanyika mkoani Kigoma katika kambi ya wakimbizi Nyarugusu.

Mgeni rasmi Mkuu wa Mkoa wa Kigoma, Brigedia Jenerali Mstaafu, Emmanuel Maganga na Mwakilishi wa Shirika linalohudumia wakimbizi nchini (UNHCR), Chansa Kapaya kwa pamoja wakikabidhi zawadi kwa baadhi ya watoto wakimbizi waliofanya vizuri kwenye masomo yao.


Mkuu wa ofisi ya Shirika la Umoja wa Mtaifa la Kuhudumia Wakimbizi (UNHCR) Kasulu, Kigoma, Amah Assiama-Hillgartner akitoa neno la kufunga sherehe za maadhimisho ya siku ya wakimbizi duniani.

Monday, June 20, 2016

AJALI : Wanajeshi Wanusurika Kifo eneo la BUZA Jijini Dar es Salaam

 Wananchi wakiangalia ajali ya Noah yenye namba za usajili T 359 DFQ iliyodaiwa kuacha njia na kuparamia daladala namba T 797 DEW eneo la Buza Njia Panda ya Kitunda jijini Dar es Salaam leo jioni. Katika ajali hiyo watu wawili waliokuwa kwenye Noah hiyo waliotajwa kuwa ni Askari wa Jeshi la Wananchi Tanzania (JWTZ), walijeruhiwa na kukimbizwa Hospitali ya Temeke kwa matibabu.

 Noah hiyo ikiwa kwenye mtaro baada ya kutokea ajali hiyo.

 Daladala lililogongana na Noah hiyo likiwa eneo la tukio.

Wananchi wakiwa eneo la ajali hiyo.

Shule za Msingi katika Manispaa ya TEMEKE zaanza Kupokea Madawati

Mkuu wa Wilaya ya TEMEKE, Bi Sophia Mjema akikabidhi Dawati kwa Mwakilishi wa Shule ya Msingi ya  Mtoni kama Ishara ya kuanza Kupokea Madawati ndani ya Manispaa ya Temeke, ambapo Madawati mengine 50  yatatolewa na Kampuni ya African.
Mkuu wa Wilaya ya TEMEKE, Bi Sophia Mjema akipeana Mkono na Mwanafunzi wa Shule ya Msingi ya Mtoni, mara Baada ya kukabidhi Madawati 200 kwenye Shule hiyo, ambapo Madawati mengine 50  yatatolewa na Kampuni ya African.
Mkuu wa Wilaya ya TEMEKE, Bi Sophia Mjema akiwa ameketi kwenye Dawati akiwa pamoja na Walimu na Wanafunzi wa Shule ya Msingi ya Mtoni, Baada ya Kukamilisha Zoezi la Kukabidhi Madawati 200 kwenye Shule hiyo ikiwa ni Ishara ya Kuanza kupokea Madawati ndani ya Manispaa Hiyo.

Vijana nchini Waaswa Kuwa Wazalendo kwa Nchi yao

Makamu Mwenyekiti wa CCM Bara Philip Mangula(mwenye shati jeupe) akizindua Kitabu chenye jina la “Majipu ya Nchi Yetu” Tushirikiane kuyatumbua leo jijini Dar es Salaam.Kutoka kulia ni Mjumbe wa Kamati ya Kampeni ya Vitabu na Midahalo (KVM) Bi. Deborah Charles, Agusto Matefu, Mwenyekiti wa Kamati ya Mijadala na Kongamano ambaye pia ni Mwandishi wa kitabu hicho Amos Siyantemi na wa mwisho kushoto ni Mratibu wa Taifa wa Kampeni ya Vitabu na Midahalo nchini (KVM) Bw.  Daniel Zenda. Kampeni hiyo inalengo la kumuunga mkono na kumsaidia Rais Magufuli katika jitihada zake za kupambana na rushwa maarufu kama utumbuaji wa majipu.
Mwenyekiti wa Kamati ya Kampeni ya Vitabu na Midahalo (KVM) Amosi Siyantemi akizungumza na waandishi wa habari (hawapo pichani ) wakati wa uzinduzi wa Kitabu cha Majipu ya Nchi yetu “ Tushirikiane kuyatumbua leo jijini Dar es Salaam. Katikati ni Makamu Mwenyekiti wa CCM Bara Philip Mangula  na kushoto Mratibu wa Taifa wa Kampeni ya Vitabu na Midahalo nchini (KVM) Bw.  Daniel Zenda.
Waandishi wa habari wakifuatilia uzinduzi wa Kitabu cha Majipu ya Nchi Yetu “Tushirikiane kuyatumbua” leo jijini jijini Dar es Salaam. Kitabu hiko kimezinduliwa na Makamu Mwenyekiti wa CCM Bara Philip Mangula (hayupo pichani).Uzinduzi wa Kitabu hicho umeenda sambamba na  utambulisho wa Kamati ya Kampeni ya Vitabu na Midahalo (KVM). Kampeni hiyo ina lengo la kumuunga mkono na kumsaidia Rais Magufuli katika jitihada zake za kupambana na rushwa maarufu kama utumbuaji wa majipu.
Makamu Mwenyekiti wa CCM Bara Philip Mangula(mwenye shati jeupe) akionyesha Kitabu chenye jina la “Majipu ya Nchi Yetu” Tushirikiane kuyatumbua mara baada ya kukizindua leo jijini Dar es Salaam. Kutoka kulia ni Mwenyekiti wa Kamati ya Kampeni ya Vitabu na Midahalo (KVM) ambaye pia ni Mwandishi wa kitabu hicho Amos Siyantemi na kushoto ni Mratibu wa Taifa wa Kampeni ya Vitabu na Midahalo nchini (KVM) Bw.  Daniel Zenda. Kampeni hiyo ina lengo la kumuunga mkono na kumsaidia Rais Magufuli katika jitihada zake za kupambana na rushwa maarufu kama utumbuaji wa majipu.

RIPOTI : Tanzania ni Kinara Kwa Unyanyasaji Dhidi ya Watu wenye ALBINISM

Na Mwandishi wetu

Pamoja na juhudi ambazo serikali imekuwa ikizifanya ili kuhakikisha Watanzania wenye ualbino wanakuwa salama na amani lakini bado Tanzania inaendelea kuwa nchi ya hatari kwa watu hao kwa kuwa katika orodha ya nchi ambazo zina kiwango kikubwa cha unyanyasaji.

Akizungumza na waandishi wa habari katika kilele cha kongamano la kikanda kwa ajili ya hatua kuhusu ulemavu wa ngozi Afrika lililofanyika Dar es Salaam, Mtaalam Huru wa Umoja wa Mataifa kuhusu Ulemavu wa Ngozi, Ikponwosa Ero alisema kuwa kwa ripoti ambazo wamekuwa wakizipokea inaonyesha Tanzania ni moja ya nchi ambazo zina unyanyasaji kwa watu wenye ualbino.

"Tangu nimeingia sijawahi kufanya uchunguzi hata katika matokeo ya uchunguzi wa nchi 29 sijaujua sana lakini kwa taarifa ambazo nimekuwa nikipata kutoka kwa taasisi mbalimbali inaonyesha Tanzania ni unyanyasaji wa hali ya juu kwa watu walio na uablino," alisema Ero.

Mtaalam Huru wa Umoja wa Mataifa kuhusu Ulemavu wa Ngozi, Ikponwosa Ero akizungumza na waandishi wa habari, Kushoto ni Shirika la Kimataifa la Under The Same Sun, Vicky Ntetema na kulia ni Mkuu wa Mawasiliano wa Shirika la Standing Voice, Sam Clarke.
Mratibu Mkazi wa Mashirika ya Umoja wa Mataifa nchini (UN), Alvaro Rodriguez akielezea jinsi UN waevyojipanga kuwasaidia watu wenye ualbino, Kushoto ni Mtaalam Huru wa Umoja wa Mataifa kuhusu Ulemavu wa Ngozi, Ikponwosa Ero.
Mwenyekiti wa Tume ya Taifa ya Haki za Binadamu na Utawala Bora, Bahame Nyanduga. Kushoto ni Mtaalam Huru wa Umoja wa Mataifa kuhusu Ulemavu wa Ngozi, Ikponwosa Ero  na kulia ni Mratibu Mkazi wa Mashirika ya Umoja wa Mataifa nchini (UN), Alvaro Rodriguez.
Nae Mwenyekiti wa Tume ya Haki za Binadamu na Utawala Bora, Bahame Nyanguga alisema katika kongamano hilo wametoka na maazimio ambayo wanaiomba serikali iweze kuyafanya ili kuwezesha watu wenye ualbino kuwa na usalama wa uhakika.

"Tumejadili mambo mengi lakini tunaiomba serikali ihusike moja kwa moja kupinga unyanyasaji, ukatili na ubaguzi nia tunaiona kwahiyo tunaomba waendelee kuwa hivyo na pia waongeze bajeti na zaidi katika matibabu kwa watu wenye ualbino," alisema Nyanduga.

Kwa upande wa Shirika la Umoja wa Mataifa kupitia Mratibu Mkazi wa mashirika hayo, Alvaro Rodriguez alisema ni wataendelea kuwasaidia watu wenye ualbino ili kuwezesha kupunguza changamoto ambazo zinawakabili.

Mama JANETH MAGUFULI akabidhi Vyakula Kwa ajili ya Futari

Mke wa Rais Mama Janeth Magufuli akikabidhi sehemu ya vyakula hivyo kwa Mwenyekiti wa Kituo cha Charambe Islamic Center Dkt. Haruni Kondo aliyepokea kwa niaba ya vikundi vigine vinne. Mke wa Rais amekabidhi mchele kilo 500, sukari kilo 500 na tende kilo 28, tukio hilo limefanyika katika ofisi ya Mke wa Rais Ikulu jijini Dar es Salaam.
Khalifa wa Zawiyatul lqadiria, Abas Hamdan watatu kutoka kulia akiongoza dua ya kumuombea Rais wa Jamhuri ya Muungano wa Tanzania pamoja na viongozi wengine wakuu wa serikali mara baada ya tukio la kukabidhi vyakula hivyo. Wengine katika picha ni Mke wa Rais Mama Janeth Magufuli, Mke wa Waziri mkuu Mama Marry Majaliwa pamoja na viongozi mbalimbali vya vikundi vya kulea watoto yatima na watu waishio kwenye mazingira magumu.
Mke wa Rais Mama Janeth Magufuli akisalimiana na Mama Mlezi wa Kituo cha Charambe Islamic Center Asile Zahali mara baada ya kukamilika zoezi la utoaji wa vyakula mbalimbali kwa vituo vinne vya kulea watoto na watu waishio kwenye mazingira magumu. 
Mke wa Rais Mama Janeth Magufuli akiwa na mke wa Waziri Mkuu Mama Marry Majaliwa akizungumza na viongozi mbalimbali wa vituo hivyo kabla ya kuwakabidhi vyakula hivyo katika Ofisi yake Ikulu jijini Dar es Salaam. 

PICHA NA IKULU

Mwenyekiti wa CCM, Dkt JAKAYA KIKWETE aongoza Kikao cha Kamati Kuu

 Mwenyekiti wa CCM na Rais Mstaafu, Jakaya Kikwete akifungua Mkutano wa Kamati Kuu ya CCM kwenye Ofisi Ndogo ya CCM Mtaa wa Lumumba jijini Dar es salaam Juni 18, 26. Kushoto ni Makamu Mwenyekiti wa CCM Bara, Philip Mangula na Kulia ni Katibu Mkuu wa CCM , Abdulrahman Kinana. 
Makamu wa Rais Samia Suluhu, Waziri Mkuu, Kassim Majaliwa  na  Makamu wa Pili wa Rais wa Zanzibar, Balozi Seif Iddi  wakifuatilia kikao cha Kamati  Kuu ya CCM kilichoongozwa na Mwenyekiti wa CCM, Rais Mstaafu Jakaya Kikwete kwenye Ofisi ndogo ya CCM mtaa wa Lumumba jijini Dar es salaam Juni 18, 2016.
 Baadhi ya wajumbe wa Kamati Kuu ya CCM wakimsikiliza Mwenyekiti wa CCM Rais Mstaafu Jakaya Kikwete wakati alipofungua kikao chao kwenye Ofisi ndogo ya CCM Mtaa wa Lumumba jijini Dar es salaam Juni 18, 2016.

Kongamano la Uadilifu na Utawala Bora lafanyika Chuo cha Mwalimu NYERERE

Naibu Katibu Mkuu Wizara ya Elimu Sayansi na Teknolojia Dk.Lenard Akwilapo akikabidhiwa picha na Mwakilishi Makazi wa Shirika la KAS, Daniel El-Noshokaty ya waasisi wa ushirikiano kati ya Tanzania na Shirika lisilo la Konrad Adenauer Stiftung (KAS) la nchini Ujerumani, Hayati Mwalimu Julius Nyerere (kushoto pichani) na Konrad Adenauer (kulia), wakati wa Kongamano la la kitaifa na kimataifa lililokuwa na mada yake kuu uadilifu wa viongozi na utawala bora katika usimamizi wa maliasili kwa ajili ya maendeleo endelevu ya Tanzania lililofanyija  katika Chuo cha Kumbukumbu ya Mwalimu Nyerere Kigamboni Dar es Salaam juzi.

Makamu Mwenyekiti wa Chama Cha Mapinduzi Tanzania Bara, Philip Mangula akichangia jambo kwenye kongamano hilo.

Taswira katika ukumbi wakati wa kongamano hilo.

Mhadhiri wa Chuo cha Kumbukumbu ya Mwalimu Nyerere,  Apium Chengula (kulia), akizungumza na waandishi wa habari Dar es Salaam jana, wakati akitoa majumuisho yaliyofikiwa katika kongamano hilo.Kushoto ni Mratibu wa Mipango wa Shirika la KAS, Richard Shaba.

Naibu Katibu Mkuu Wizara ya Elimu Sayansi na Teknolojia Dk.Lenard Akwilapo (katikati mbele waliokaa), akiwa na viongozi mbalimbali na wanafunzi wa Chuo cha Kumbukumbu ya Mwalimu Nyerere wakati wa kongamano hilo. Kutoka kulia waliokaa ni Mratibu wa Mipango wa Shirika la KAS, Richard Shaba, Makamu Mwenyekiti wa Chama Cha Mapinduzi Tanzania Bara, Philip Mangula, Mkuu wa Chuo cha Kumbukumbu ya Mwalimu Nyerere, Dk. Shadrack Mwakalila, Mwakilishi Mkazi wa Shirika la KAS,  Daniel El-Noshokaty, Naibu Mkuu wa Chuo Utawala Fedha na Mipango, Dk. Margaret Shawa na Naibu Mkuu wa Chuo Taaluma, Dk. Thomas Ndaluka.



Na Dotto Mwaibale

VYOMBO vyenye mamlaka vimetakiwa visiwatishe waandishi wa habari pale wanapo andika habari  sahihi za kuikosoa serikali nchini badala yake viwalinde.

Hayo yalielezwa Dar es Salaam jana na Mhadhiri wa Chuo cha Kumbukumbu ya Mwalimu Nyerere,  Apium Chengula wakati wa majumuisho yaliyofikiwa katika kongamano la kitaifa na kimataifa lililokuwa na mada yake kuu uadilifu wa viongozi na utawala bora katika usimamizi wa maliasili kwa ajili ya maendeleo endelevu ya Tanzania.

"Tulipitisha maazimio kadhaa kama wenye mamlaka kuvilinda vyombo vya habari vinapo andika habari  sahihi za kuiokosoa serikali, kuhimiza viongozi kuzingatia maadili na kupata mafunzo ya uongozi, kuhimiza viongozi kulinda maliasili ambazo ni endelevu na kusisitiza kuwa na itikadi inayoeleweka katika kuongoza nchi" alisema Chengula.

Kongamano hilo liliandaliwa na Chuo cha Kumbukumbu ya Mwalimu Nyerere kilichopo Kigamboni kwa ufadhili wa Shirika lisilo la kiserikali la Konrad Adenauer Stiftung (KAS) la nchini Ujerumani.

 Chengula alisema kongamano hilo lilifanikiwa kutokana na kuwa na mada moto moto zilizohusu rasilimali za taifa na suala zima la utawala bora na kuwa lilisimamiwa na Kibweta cha Mwalimu Nyerere.

Alisema Kibweta cha Mwalimu Nyerere ni idara iliyoanzishwa chuoni hapo kwa ajili ya kusimamia masuala yote ya mafunzo ya viongozi na maadili ya viongozi iliyoanzishwa mapema mwaka jana na kuzinduliwa na Rais mstaafu Dk. Jakaya Kikwete.


"Katika kongamano hilo kuliwa na mada mbalimbali zilihusu maliasili za Tanzania na jinsi zinavyo wasaidia wananchi ambayo ilitolewa na Profesa Aidan Msafiri kutoka Chuo cha Kanisa Katoliki Mwenge, mada nyingine ikiwa ni utawala bora kuhusu mali asili changamoto na fursa zake iliyoendeshwa na Dk.Camirius Kasala kutoka Chuo cha Takwimu cha Afrika Mashariki na kuwa mada ya tatu ilihusu maendeleo endelevu katika Tanzania mchango wa utawala bora unaozingatia maadili ya uongozi bora" alisema.

Alisema Hayati Mwalimu Julius Nyerere kabla ya Uhuru 1961 alikwenda nchini Ujerumani ambapo alionana na Muasisi wa Shirika la KAS,  Konrad Adenauer na kuona ni jinsi gani wataweza kusaidia kutoka mafunzo ya uadilifu kwa viongozi na tangu hapo walianzisha ushirikiano huo ambao unaendelezwa na Chuo  cha Kumbukumbu ya Mwalimu Nyerere na Shirika hilo ambalo limefanikisha kudhamini kongamano hilo.

Friday, June 17, 2016

Waziri wa Habari NAPE NNAUYE azungumza na Wakuu wa Vitengo vya Mawasiliano Serikalini

Kaimu Mkurugenzi wa Idara ya Habari MAELEZO Bi. Zamaradi Kawawa akisalimiana na Waziri wa Habari, Utamaduni, Sanaa na Michezo Mh. Nape Nnauye wakati akiwasili katika ukumbi wa Idara ya Habari MAELEZO ili kuzungumza na Wakuu wa Vitengo vya Mawasiliano Serikalini Leo Jijini Dar es Salaam.
Waziri wa Habari, Utamaduni, Sanaa na Michezo Mh. Nape Nnauye (katikati) akiongea na Wakuu wa Vitengo vya Mawasiliano Serikalini (hawapo pichani) ambao aliwataka kutengeneza mikakati madhubuti itakayoimarisha Mawasiliano ya Serikali kwa Umma. Kulia ni Kaimu Mkurugenzi wa Idara ya Habari MAELEZO Bi. Zamaradi Kawawa na kushoto ni Mkurugenzi Msaidizi kutoka Idara ya Habari (MAELEZO) Bw. Jamal Zubeir.
Waziri wa Habari, Utamaduni, Sanaa na Michezo Mh. Nape Nnauye akiwa katika picha ya pamoja na Wakuu wa Vitengo vya Mawasiliano Serikalini Leo Jijini Dar es Salaam.
Wakuu wa Vitengo vya Mawasiliano Serikalini wakimsikiliza Waziri wa Habari, Utamaduni, Sanaa na Michezo Mh. Nape Nnauye wakati wa kikao cha pamoja ikiwa ni sehemu ya Maadhimisho ya Wiki ya utumishi wa umma. 
Mkuu wa Kitengo cha Mawasiliano Serikalini Kutoka Wizara ya Ujenzi, Uchukuzi na Mawasiliano Bi. Prisca Ulomi akitoa neno la shukrani kwa Waziri wa Habari, Utamaduni, Sanaa na Michezo Mh. Nape Nnauye kwa niaba na Maafisa Mawasiliano wakati wa kikao cha pamoja kilichofanyika leo Jijini Dar es Salaam.

Picha na Hassan Silayo-MAELEZO

Jiji la MWANZA latakiwa Kuwaondoa Watoto Ombaomba Mitaani

Watoto kutoka taasisi ya "Pamoja Youth and Children Foundatio" ya jijini Mwanza wakionyesha michezo ya sarakasi katika Maadhimisho ya miaka 40 ya Mtoto wa Afrika, yaliyofanyika katika Uwanja wa Shule ya Msingi Mabatini kwa wilaya ya Nyamagana mkoani Mwanza.
.......................

Halmashauri ya Jiji la Mwanza kwa kushirikiana na idara ya Ustawi wa Jamii, metakiwa kuwaondoa watoto waliozagaa mitaani ambao wamekuwa wakiomba misaada kwa wasamaria wema barabarani.

Akizungumza katika Maadhimisho ya Siku ya Mtoto wa Afrika ambayo kwa Wilaya ya Nyamagana mkoani Mwanza yamefanyika shule ya msingi Mabatini, Mkuu wa wilaya ya Nyamagana, Baraka Konisaga, amesema wengi wa watoto hao wameacha shule kutokana na sababu mbalimbali ikiwemo kufiwa na wazazi ama wazazi kutokuwa na uwezo wa kuwaendeleza kimasomo, hivyo Halamshauri hiyo ina wajibu wa kuwasaidia.

Amesema hatua ya kuwaondoa watoto hao inaweza kuonekana ni ngumu kutekelezeka, lakini inawezekana ikiwa kila mdau ikiwemo jamii itatoa ushirikiano ambapo amewasihi madiwani katika baraza la halmashauri ya Jijini la Mwanza kupeleka hoja kwenye baraza lao ili jambo hilo liwekwe kwenye vipaumbele vya Halmashauri hiyo.

"Mkurugenzi, Meya na Madiwani wa halmashauri ya jiji la Mwanza, chukueni hatua kuwaondoa watoto waliozagaa mitaani ikiwemo mtaa wa Nkuruma kwani hawako pale kwa kupenda. Mkifanya hivyo itakuwa sifa kwenu na kwa baraza la madiwani la mwaka 205/20". Amesema Konisaga.

Siku ya mtoto wa Afrika huadhimishwa kila mwaka June,16 ikiwa ni kumbukumbu ya mauaji ya mamia ya watoto waliouawa na polisi wa kikaburu mwaka 1976 katika Kitongoji cha Soweto nchini Afrika Kusini wakati walipokua wakiandamana kupinga kubaguliwa kielimu kwa kufundishwa katika lugha wasiyoifahamu ya Afrikana.

Katika risala yao, watoto wameiomba serikali pamoja na jamii kuwalinda na vitendo viovu ikiwemo ubakaji na ukatili unaowakumba ikiwemo kukosa elimu.

Mkuu wa wilaya ya Nyamagana mkoani Mwanza, Baraka Konisaga (wa kwanza kushoto), ambae alikuwa mgeni rasmi katika Maadhimisho ya miaka 40 ya Mtoto wa Afrika, yaliyofanyika katika Uwanja wa Shule ya Msingi Mabatini kwa wilaya ya Nyamagana mkoani Mwanza.

Mkuu wa wilaya ya Nyamagana mkoani Mwanza, Baraka Konisaga, ambae alikuwa mgeni rasmi katika Maadhimisho ya miaka 40 ya Mtoto wa Afrika, yaliyofanyika katika Uwanja wa Shule ya Msingi Mabatini kwa wilaya ya Nyamagana mkoani Mwanza, akizungumza katika maadhimisho hayo.

Halleluyah Benjamini ambae ni Katibu Baraza la Watoto mkoani Mwanza, akisima risala ya watoto katika maadhimisho ya siku ya mtoto wa Afrika yaliyofanyika hii leo.

Halleluyah Benjamini ambae ni Katibu Baraza la Watoto mkoani Mwanza (kushoto) akiwa pamoja na Mwenyekiti wa Baraza hilo, Paulina Robert.

Wanafunzi wakisoma ngojera katika Maadhimisho ya Siku ya Mtoto wa Afrika.

Mshereheshaji kutoka Baraza la Watoto mkoani Mwanza.

Wahudhuriaji akiwemo mtoto kutoka Baraza la Watoto mkoani Mwanza, wakiendelea kufuatilia maadhimisho ya Siku ya Mtoto wa Afrika wilaya ya Nyamagana.

Viongozi mbalimbali akiwemo Mkuu wa Wilaya ya Nyamagana, Baraka Konisaga (wa tatu kushoto), wakiwa katika maadhimisho ya Siku ya Mtoto wa Afrika.

Kauli mbiu mkoani Mwanza.....