Pages

Ads 468x60px

Featured Posts

Saturday, October 21, 2017

Mafundi wa Tanesco Wafanikiwa Kuwasha Mashine Moja, MTWARA

Shirika la Umeme nchini (Tanesco), limefanikiwa kukarabati mashine namba 6 iliyokuwa imeharibika na kuiwasha kwa ajili ya kutoa huduma ya umeme kwa mikoa 

ya Lindi na Mtwara.
Hatua ya kuwashwa kwa mtambo huo ni juhudi za shirika hilo za kuimarisha hali ya upatikanaji umeme kwa wananchi kusini  huku ikiwa ni siku moja baada ya Waziri wa Nishati,  Dk. Medard Kalemani alipotembelea Kituo cha kufua umeme kwa gesi .
Akizungumza leo mjini hapa, Kaimu Mkurugenzi wa Tanesco, Mhandisi Dk. Tito Mwinuka ambaye amepiga kambi mkoani humo pamoja na watalaamu wengine, alisema kuwa mitambo iliyokuwa ikifanya kazi ilikuwa minne lakini baada ya juhudi kubwa za wataalamu wa Tanesco hadi kufikia jana jioni wamefanikiwa kuwasha mashine hizo zenye uwezo wa kuzalisha Megawati 16.
“Tanesco tumeshagiza vipuri vya aina mbalimbali ili kutengeneza mashine hizi na pia Shirika katika kuhakikisha kazi inakwenda kwa kasi zaidi itaongeza nguvu ya wataalamu kutoka vituo vingine vya TANESCO hapa nchini.
“Tunawaomba wateja wetu wa mikoa ya Lindi na Mtwara kuendelea kuwa wavumilivu wakati uongozi wa Shirika, Kanda na Mkoa ukiendelea na juhudi za kumaliza kabisa upungufu wa umeme katika mikoa hii,” alisema Dk. Mwinuka.
Alisema kutokana na kuongezeka kwa mahitaji ya umeme kwa mikoa hiyo, alisema Shirika limeshaanza taratibu za kupata Megawati nne za haraka kwa kuagiza mitambo mwili mipya.
“Tuna imani kubwa na wafanyakazi wa Kituo cha kufua umeme wa gesi cha Mtwara na wataweza kukarabati mitambo yote pindi vipuri vitakapowasili,” alisema
Kaimu Mkurugenzi Mtendaji huyo amewashukuru wananchi wa mikoa ya Lindi na Mtwara kwa uvumilivu waliouonesha katika kipindi cha matengenezo ya mitambo hiyo.
Kaimu Mkurugenzi Mtendaji wa TANESCO, Mhandisi Tito Mwinuka, (wakwanza kushoto), na viongozi wengine wa Shirika hilo, wakifuatilia maendeleo ya ukarabati wa mitambo ya kufua umeme mkoani Mtwara leo Oktoba 17, 2017.

Kenyatta aonya wanaotishia kuvuruga Uchaguzi Kenya


Rais wa Kenya Uhuru Kenyatta amewatahadharisha wanaotishia maafisa wa Tume ya Taifa ya Uchaguzi nchini humo pamoja na maandalizi ya uchaguzi mpya kwamba watakabiliwa vikali.
Aidha, ametoa wito kwa wapiga kura kujitokeza kwa wingi kushiriki uchaguzi ambao umekumbwa na utata Alhamisi wiki ijayo 26 Oktoba.
Rais huyo amesema maafisa wa usalama wa kutosha wametumwa maeneo mbalimbali kuhakikisha kuna usalama siku hiyo.
“Tunapojiandaa kwa uchaguzi wa urais tareje 26 Oktoba, ni muhimu kudumisha amani, sawa na tulivyofanya (Agosti) na nyakati nyingine awali,” amesema.
“Kupiga kura kuwachagua viongozi tunaowataka ni haki ambayo ilipiganiwa na mababu zetu, na lazima tuilinde.”
“Sheria itatumika kwa njia sawa bila kujali hadhi yako katika jamii au siasa, hakuna atakayesazwa. Kwa wale wanaofana wakati wa vurugu, siku zenu zinafikia ukingoni, sheria itachukua mkondo wake na mtaadhibiwa ipasavyo.”
Kiongozi huyo alikuwa akihutubu wakati wa sherehe ya Siku ya Mashujaa ambayo huadhimishwa kila tarehe 20 Oktoba kuwakumbuka mashujaa waliopigania uhuru pamoja na Wakenya wengine waliotoa mchango wa kipekee kwa taifa baada ya uhuru.
Kiongozi wa upinzani Raila Odinga alijiondoa kutoka kwenye uchaguzi huo wa Alhamisi na amesisitiza kwamba hakutakuwa na uchaguzi siku hiyo.
Badala yake amewahimiza wafuasi wake kuandaa maandamano kote nchini humo.
Kiongozi huyo wa upinzani ameongoza mkutano wa kisiasa eneo la Bondo, magharibi mwa Kenya ambapo amewahimiza Wakenya kuwa na umoja na kudumisha amani.
Bw Odinga amekuwa akishinikiza mageuzi yafanywe katika tume ya uchaguzi kabla ya kufanyika kwa uchaguzi mpya.
Miongoni mwa mabadiliko hayo, alitaka afisa mkuu mtendaji Ezra Chiloba ang’atuke pamoja na maafisa wengine wakuu katika tume hiyo.
Taarifa zinasema Bw Chiloba ameamua kwenda likizo ya wiki tatu kuanzia Jumatatu, jambo ambalo litahakikisha kwamba hatakuwepo wakati wa kufanyika kwa uchaguzi.

Saturday, October 14, 2017

WALEMAVU WASHAURIWA KUJIAJIRI KATIKA SEKTA YA BIMA.



ILI kuondokana na tabia ya utegemezi kwa watu wenye ulemavu wa kutokusikia, wametakiwa kujiunga kwenye vikundi ili waweze kujiajiri kwenye uwakala wa bima za vyombo vya moto.

Aidha imeelezwa kuwa kupitia vikundi hivyo wanaweza kuanzisha makampuni ya Uwakala wa Bima na kuweza kuendesha biashara kama watu wengine na hatimaye kujipatia vipato.

Hayo yamesmwa na  Meneja wa Mamlaka ya usimamizi wa  Bima Tanzania (TIRA)  Nyanda za juu kusini,  Consolata Gabone katika  semina ya walemavu  iliyofanyika katika ukumbi wa Chuo Cha ufundi ( VETA ) jijini Mbeya.

Meneja huyo amesema Watu wenye ulemavu wa kutosikia wanaweza  kujipatia  kipato cha kujikimu kimaisha na kuondokana na uchumi tegemezi kwa jamii inayo wazunguka.

Amesema semina hiyo yenye lengo la kufundisha umuhimu wa Bima kwa jamii ili kuepuka na namna kukabiliana na majanga ya ajali ya vyombo vya moto.

Consolata amesema  mamlaka inao wajibu wa kusajili wadau wa bima, makampuni, mawakala na wakadilishaji wa Hasara ikiwa ni pamoja na kukagua makampuni ya Bima madalali na mawakala pia kushughulikia malalmiko ya bima kutoka kwa wakata bima na jamii kwa ujumla kazi ambayo inaweza kufanywa na mtu yeyote bila kujali hali aliyonayo.
”Nawakaribisha kujiunga katika vikundi ili muweze kuanzisha makampuni na kuja kwetu mamlaka ya usimamizi wa Bima ili tuwasajili na kisha kuanzisha biashara ya uwakala na kujipatia ajira itakayo wapatia kipato kitakacho wakimu katika maisha na kuondokana na utegemezi” Amesema Consolata.

Nae Afisa shirika la bima la ( NIC) jijini hapa, Michael Msata amewataka walemavu hao kuwa na elimu ya bima na  kukata  bima katika shughuli zao mbalimbali ikiwa ni pamoja na bima ya mali, nyumba, ajali, Afya  na nyumba, ili kuepuka hasara endapo kutatokea hasara.

Kwa upande Kaimu Mwenyekiti wa Chama cha watu wenye ulemavu wa kutokusikia Mkoa wa Mbeya (CHAVITA) Tusajigwe Mwalwega ameupongeza uongozi huo kwa kutoa semina hiyo kwa makundi maalumu kwani wengi hawajui maana ya bima na kwamba ni kitu cha muhimu katika maisha ya kila mwanadamu.







Tuesday, October 3, 2017

MAJINA YA WALIOTEULIWA KUGOMBEA NAFASI MBALIMBALI WILAYA YA MBEYA MJINI


HATIMAYE Chama Cha Mapinduzi (CCM)Wilaya ya Mbeya mjini imepata majina ya wagombea nafasi mbalimbali katika uchaguzi unaotarajiwa kufanyika Oktoba 5, mwaka huu katika Uwanja wa kumbukumbu wa Sokoine jijini Mbeya.

Akisoma majina hayo mbele ya viongozi wote waliojaza fomu za kugombea nafasi mbalimbali ndani ya wilaya hiyo katika ukumbi wa Chama, Katibu wa  CCM Wilaya ya Mbeya mjini  Gellad mwadallu amewataka wagombea wote kuwa na mshikamano na umoja katika kipindi hiki ambacho chama kipo kujijenga upya bila kujali uliteuliwa ama hukuteuliwa.

Kwa wale ambao majina yao hayakuteuliwa Mwadalu amewataka wanachama  hoa kutokata tamaa waendelee kuwa na subira na kuendelea kujenga Chama  kwakua chama hiki ni kikubwa kinazo nafasi nyingi wawe wavumilivu kwa kipindi hiki kwani ipo siku watazipata wakati  ukifika.

Ameongeza kuwa wale ambao  wamepata nafasi ya kuteuliwa basi wajione wanabahati hata kama hawatachaguliwa lakini wameingia katika nafasi muhimu ya kufahamika kwa kusimama mbele ya wanachama zaidi ya elfu moja hiyo tu inatosha kumshukuru Mungu kwani nisehemu pekee ya kuandika historia ya kisiasa.

Aliyataja majina hayo na nafasi zao kuwa ni Ngazi ya Mwenyekiti wa Wilaya kuwa ni pamoja na Affrey Athans Nsomba,Akim Kajigili Mwakalindile na Eden Samwel Katininda huku walioteuliwa kuwania nafasi ya Katibu wa Siasa, Itikadi na Uenezi Wilaya ni  Fulco Joseph Mlelwa,Joyasi Godwini Ngajigwa na Philimon Jeremia Mng’ong’o.

Aliwataja wanaowania nafasi ya Mkutano Mkuu wa Mkoa kutoka Wilaya kuwa ni  Atupele Broun Kakyela,  Charles Michael Mwakipesile,  Jackson Waziri Numbi,  Lucy Makelemo Sitta,  Mauld Khamis Issah,  Michaeli Joseph Mbuza,  Nwaka Edson Mwakisu,  Richard Jagjivan Shanghvi,  Seremani Haroubu Said (Mbaspo).

Nafasi ya kuwakilisha Mkutano mkuu wa Mkoa walioteuliwa kugombea ni  Godrey Kapunga Habaya,  Isaack Samson Sintufya,  Jackson Waziri Numbi,  Joyce Paul Stambul,  Maria Dominiki Nyagawa,  Suzana mwalwanda Simkoko na  Tumwitike Nsubili Sanga.

Aidha alizitaja nafasi za Wajumbe wa Halmashauri kuu ya CCM Wilaya kuwa ni  Abdalla iddi kilanga, Aleni Joseph Mbuza, Angetile Amisi Kipimbilo, Charles Michael Mwakipesile, Damasi tuyanje Manjela, Edith Peter Kapwela, Fortunatus Bethod Tapule na Francis Mwambopo Mwangoke.

Wengine ni  Godrey Kapunga Habaya, Innocent Sadoki Kimambo, Isaack Samson Sintufya, Joackomu wilson Motella, Joel alon mhanga, Lydia John Gunda, Paulo Lukckson Shikungu, Malanyingi Ahmed Matukuta, Maria Dominiki Nyagawa na Mauld Khamis Issah.

Wakiwa pamoja na Mary Elia Mwaijumba, Martin Boniface Mponzi, Maryprisca Winfried Mahundi, Michael Joseph Mbuza, Patric Toi Kahesh, Philimoni Jeremia Mng’ong’o, Richard Jogjivan Shanghvi, Seramani Haroub Said (Mbaspo), Shabani Juma Chalo, Thomas Aseri Mwanga, Tumwitikege Nsubiri Sanga na Vincent Mahudi Msolla.

RICHARD JONGVAN MMOJA WA WAGOMBE AKICHANGIA MADA KATIKA KKIKAO CHA WAGOMBEA
KATIBU WA VIJANA JERRAD KINAWILO KUSHOTO NA KATIBU WA UWT MARY MWENISONGOLE KATIKATI WAKISIKILIZA KWA MAKINI KATIKA KIKAO CHA WAGOMBEA







WAGOMBEA WA NAFASI MBALIMBALI KATIKA KIKAO CHA KUSOMEWA MAJINA YA WALIOTEULIWA.

Monday, September 25, 2017

Bunge lathibitisha Malipo ya Shilingi Milioni 43 Kwenda Hospitali ya Nairobi


Ofisi ya Bunge inapenda kusisitiza kuwa fedha zilizochangwa na Wabunge kiasi cha Tsh. Milioni 43 kwa ajili ya kusaidia matibabu ya Mheshimiwa Tundu Lissu tayari zimetumwa katika Akaunti ya Hospitali ya Nairobi anakopatiwa matibabu.
Fedha hizo zimetumwa kupitia Benki kuu ya Tanzania (BOT) ambapo kwa mujibu wa viwango vya kubadilishia fedha vya BOT kwa siku hiyo ilikuwa ni sawa na Shilingi ya Kenya 1,977,120.58.
Kiasi hicho cha Fedha kilitumwa siku ya tarehe 20 Septemba, 2017 kwenda Benki ya Barclays, Tawi la Hurlringham, Akaunti Namba 0451155318 yenye jina la Kenya Hospital Association.
Imetolewa na ; Kitengo cha Habari,
Elimu kwa Umma na Mawasiliano Ofisi ya Bunge DODOMA 24 Septemba 2017

MWADALLU AWAFUNDA VIONGOZI WA CCM MBEYA.


Katibu wa chama cha mapinduzi (CCM) wilaya ya mbeya mjini Gerralad Mwadallu amewataka viongozi waliochaguliwa kutoka katika nfasi ya utendaji, Makatibu wa matawi na kata zote wilaya mbeya mjini kua viongozi wenye maadili kwa jamii.

Ameyasema hayo katika Semina ya siku moja kwa viongozi hao iliyo andaliwa na ofisi za CCM wilaya ya mbeya mjini yenye lengo la kuwajengea uwezo viongozi hao, semina imefanyika katika ukumbi wa shule ya sekondari Sangu jijini Mbeya.

”Siku ya leo tumeona ni vema kukutana na viongozi wote watendaji ili kuelezana namna ya utendaji ndani ya chama chetu tumewaita watendaji tu ili mjue wajibu katika utekelezaji wa majukumu yenu, Kwakua chama hiki ni kipya hakitaki mtu ambae hayupo tayaki kuwa mchapa kazi kama kuna mtu kaingia kwa bahati mbaya atupishe hatuna utani katika hili” amesema Mwadallu

Ameongeza kua kiongozi anaetakiwa kipindi hiki ni Yule mwenye uelewa juu ya kupambanua mambo,mwenye mwenendo na tabia njema kwa jamii ikiwa ni pamoja na kuwajibika mbele ya umma na kua na kauli nzuri kwa anaowaongoza.

Nae Charles Mwakipesile mjumbe wa kamati ya siasa wilaya ya mbeya mjini alisema wapo watu ambao wamekuwa wakibeza utendaji kazi wa Dk. Magufuli na kwamba kazi hiyo ni sehemu ya Propaganda hivyo Wanaccm wanapaswa kusimama kidete katika kutoa elimu na kuelezea mafanikio yaliyopatikana katika kipindi kifupi cha uongozi wake.

Aliongeza kuwa wapinzani wamekosa sera za kuwaeleza wafuasi wao badala yake wamejikita katika kuelezea propaganda ambayo lengo lake ni kupotosha na kuelezea uuma na kuaminisha kuhusu uongo jambo linalopelekea kuishia kulalamika kila siku.

Kwa upande wake Katibu wa Wazazi Wilaya ya Mbeya mjini, Sadick Kadulo alisema ili Chama cha Mapinduzi kiendelee kushika dola kwa miaka mingi zaidi lazima kiwe kinafanyiwa mabadiliko na marekebisho ya mara kwa mara ili kuboresha kuendana na wakati.

Nao baadhi ya washiriki wa mafunzo hayo waliupongeza uongozi wa CCM Mbeya mjini kwa kuwajali na kuwapa mafunzo na kuongeza kuwa huko nyuma walikuwa wakiongoza kwa kutumia utashi wao na sio kupatiwa semina kama hiyo.

Mwisho.

 VINONGOZI WA KAMATI YA SIASA MBEYA MIJINI NA MJUMBE CHARES MWAKIPESILE AKIONGEA JAMBO KATIKA SEMINA HIYO
KATIBU WA VIJANA WILAYA YA MBEYA MJINI (UVCCM) GERRALD KINAWILO AKIONGEA JAMBO
Katibu wa Wazazi Wilaya ya Mbeya mjini, Sadick Kadulo mmoja wa wakufunzi wa semina hiyo akiongea.








BAADHI YA VIONGOZI WALIOHUDHULIA SEMINA HIYO