MBEYA WAKWAMA KUTEKELEZA AGIZO LA JPM.

RC Makalla ahaha, apiga marufuku

 Ma-dc, Ma-ded na Wakuu wa Idara kusafiri nje ya Mkoa

 

Na Moses Ng’wat,Mbeya.

 MKUU  wa Mbeya, Amos Makalla,

 amezuia  likizo na safari zote kwa Wakuu wa Wilaya,

 Wakurugenzi wa Halmashauri na Wakuu wa Idara za Mkoa huo,

 baada ya kushindwa kuandaa mpango kazi wa kutekeleza dhana

 ya Viwanda, ambao ni kipaumbele cha serikali ya awamu ya

 Tano.

 Alitoa agizo hilo jana Wilayani Rungwe,

 wakati wa kikao cha Baraza la Madiwani cha kupitia na kutoa

 majibu ya hoja za Mkaguzi Mkuu na Mdhibiti wa hesabu za

 serikali (CAG).

 Makalla alifikia hatua hiyo, kutokana

 na makubaliayaliyofikiwa na viongozi hao June 2 mwaka huu,

 ambapo walipeana majukumu ya namna Mkoa huo utakavyotekeleza

 uanzishwaji wa viwanda.

 Mkuu huyo wa Mkoa alisema, katika hali

 ya kushangaza hadi kufikia sasa hakuna Halmashauri hata moja

 ambayo imendaa mpango kazi wa uanzishwaji wa viwanda.

 “Kuanzia sasa hakuna, Mkuu wa Wilaya,

Mkurugenzi au Mkuu wa idara kutoka nje ya Mkoa, labda kwa

 wale wenye matatizo kama kuumwa na mialiko yote ya semina

 sasa isomeni, weka pembeni…maana ukiuliza watendaji

 utasikia tuko mbioni, sasa nimeona safari za kufuata mialiko

 Dodoma ziwe mwisho. ” alifafanua Makalla.

 Aidha, Makalla aliwataka wakurugenzi

 wote wa Halmashauri saba za Mkoa huo, wakishirikiana na

 Madiwani  kusimamia kwa umakini vyanzo vya mapato 

 ili kuinua mapato na kuepukana na utegemezi kutoka serikali

 Kuu.

 Alisema kwa mujibu wa taarifa hiyo ya

 CAG , Halmashauri hizo za Mkoa wa Mbeya zinajitegemea kwa

 asilimia 6.6 tu, huku zikitegemea ngvu ya serikali kuu kwa

 asilimia 93.6, kinyume na agizo la Waziri Mkuu, Kassim

 Majaliwa, aliyeagiza Halmashauri zote nchini kukusanya

 asilimia 80 kutoka vyanzo vyake vya ndani.

 Akizungumza nje ya kikao hicho, Diwani

 wa kata ya Kyimo, Peter Makoye, alipongeza  hatua

 iliyochukuliwa na Mkuu wa Mkoa akieleza kuwa, limekuja kwa

 wakati muafaka kwa kuwa licha ya Rais, Dk. John Magufuli,

 kutoa muelekeo wake, bado baadhi ya watendaji wamekuwa

 hawatekelez

 Naye, Diwani wa kata ya Kawetele,

 Anyimike Anganile, alionekana kushtushwa na taarifa

 iliyotolewa mbele ya mkuu wa Mkoa kuwa Wilaya ya Rungwe ina

 uhaba wa ardhi ya uwekezaj

 “Uwezo wa kuwekeza katika viwanda kwa

Rungwe ni mkubwa kwa kuwa, kuna maeneo mengi Mfano kata za

 Ilima, Kisondela na Ibigi ambako kuna mashamba ya

 halmashauri, lakini shida imekuwa ni dhamira ya viongozi

 kutaka  kuwekwa mjini” alisema Anganile.

 

Mkoa wa Mbeya ulikuwa ni miongoni mwa

 mikoa iliyokuwa na idadi kubwa ya viwanda, lakini

 vilibinafsishwa kwa wakezaji na kushindwa kuviendesha,.

 

Miongoni mwa viwanda hivyo

 vilivyobinafsishwa na kushindwa kuendelea na uendeshajini ni

 kiwanda cha nguo cha Mbeya Tixtile, kiwanda cha kutengeneza

zana za kilimo (ZZK), kiwanda cha Sabuni cha Hisoap, pamoja

 na kile cha nyama cha Tanganyika Packers.

Mwisho