AJARI NYINGINE MBEYA YA UA WATU SITA NIPALEPALE WALIPOKUFA WANAFUNZI WAWILI WA SHULE YA MSINGI IMEZU

Watu sita wamefariki dunia kati yao watano papo hapo katika ajali ya barabarani iliyohusisha basi dogo la abiria aina ya Hiace lililogongana na lori katika eneo la Imezu, nje kidogo ya Jiji la Mbeya.

Ajali hiyo ilitokea jana majira ya saa 4:00 asubuhi wakati basi hilo dogo lenye namba za usajili T 245 AMH likitokea jijini Mbeya kwenda Chimala wilayani Mbarali lilipogongana na lori lenye namba za usajili  T276 ATQ lililokuwa likitokea jijini Dar es Salaam kwenda Tunduma.

Watu walioshuhudia ajali hiyo walisema kuwa chanzo cha ajali hiyo ni lori ambalo lilikuwa likiyumba barabarani.

Muuguzi wa zamu katika kitengo cha huduma ya haraka cha Hospitali ya Rufaa ya Mbeya, Jane Kipenye, alisema kuwa amepokea majeruhi 11, lakini mmoja alipoteza maisha wakati akiendelea kupatiwa matibabu.

Kipenye aliwataja majeruhi hao kuwa ni Elia Mlowa (18), Fizara Kassim (28), Hajira Abdallah (8), Elika January (26), Charles Gumani (53), Doto Jagala (44), Beta Sanga (52), Maria Anania (32), Isaka Leonard (17) na Erasto Mlwale (34).

Alisema kuwa majeruhi mmoja ambaye alifariki dunia wakati akipatiwa matibabu jina lake halikufahamika mara moja kwa sababu alikuwa hawezi kuzungumza.

Kwa upande wake, muhudumu wa chumba cha maiti cha Hospitali ya Rufaa Mbeya, Augen Vuruga, alisema kuwa amepokea miili sita ya watu waliopoteza maisha kwenye ajali hiyo na kuwa kati ya maiti hizo tayari tano zimetambuliwa na moja haijatambuliwa.

Kwa mujibu wa Vuruga, waliofariki dunia na miili yao kutambuliwa ni Steven Kimario, Shalfa Abdallah, Simon Mwakalukwa, Maria Mwanginde na Andrea Simbeye.

Kwa upande wake, Kamanda wa Polisi wa Mkoa wa Mbeya, Diwani Athuman, alithibitisha kutokea kwa ajali hiyo na kuahidi kuitolea maelezo zaidi baada ya kupata taarifa zaidi kutoka kwa askari waliokwenda katika eneo la tukio.

BASI AINA YA TOYOTA HIACY YANYE NAMBA ZA USAJIRI T245 AMH ILIYOGANWGA NA ROLI LA MIZIGO

HILI NDILO ROLI LA MIZIGO LILILOLIGONGA BASU DOGO NA KUSABABISHA VIFO VYA WATU SITA

NDUDU MSOMAJI NA MPENZI WA BLOG YETU TUNAKUOMBA RADHI KWA PICHA ZA MAITI UTAKAZOZIONA KATIKA HABARI HII KWAKUA ZINA HARI MBAYA NA KAMA HAUTAWEZA KUVUMILIA TUNAOMBA USIENDE KUZITAZAMA

                    BAADI YA MIILI YA WATU WALOPOTEZA MAISHA KATIKA AJARI HIYO

BAADHI YA MAJERUHI WAKIKIMBI MSAADA WA HARAKA KWA AJIRI YA KUPATIWA MATIBU AMBAO MAJINA YAO HAYAKUPATIKANA MAPEMA