Malafyaleblog

UMOJA WA MAAFISA ELIMU TANZANI (UMET) WAKAZA BUTI KUPAMBANA NA CHAMA CHA WALIMU TANZANIA (CWT)

Wasema hawako tayari kuunga mkono maandamano yanayopagwa na chama hicho kwani CWT na Serikali wote ni waporaji wa haki za waalimu.

Akiongea Katibu wa umoja huo Meshaki Kapange katika mkutano wao uliofanyika katika ukumbi wa kiwira hotel Soweto iliyopo jijini Mbeya Amesema kuwa lengo la mkutano huo ni kuwajuilsha walimu juu ya hoja zao 19 walizopeleka Bungeni, kupitia Kikao kati ya UMET na Kamati ya Bunge ya kudumu ya huduma ya jamii kilicho fanyika may 28 mwaka huu katika ukumbi wa Wizara ya maendeleo ya jamii na watoto.

Akizungumzia kuhusu kupinga mgomo unaotangazwa na kuandaliwa na chama cha waalimu Tanzania CWT na kutoa tamko na msimamo wa UMET  amesema kuwa CWT na Serikali wote kwa pamoja wanatakiwa kugomewa kwakuwa ni waporaji wa haki za waalimu kwani Wenye haki ya kugoma ama kutogama ni waalimu wenyewe, hivyo UMET utaendelea kutoa Elimu kwa waalimu kujua haki zao zinazoporwa.

Mwisho wa kikao hicho ilikuwa ni kuchagua viongozi wa Wilaya ya Mbeya jiji, na Mbeya vijijini. 

Viongozi wa UMET wakizungumza na waalimu walio hudhuria kikao hicho